بەشی دیجیتاڵ میدیا و مارکێتینگ

بەشی دیجیتاڵ میدیا و مارکێتین ناوەندێکی مۆدێرنە بۆ پێگەیاندنی نەوەیەکی نوێی پسپۆڕی لێهاتوو لە جیهانی خێرای تەکنەلۆجیادا. لەم بەشەدا، خوێندکاران تێکەڵەیەک لە زانستی بازاڕگەری، هونەری میدیا، و داهێنانی دیجیتاڵی فێر دەبن.

لەم بەشەدا فێری چی دەبیت؟

• بەڕێوەبردنی تۆڕە کۆمەڵایەتییەکان و کەمپەینی دیجیتاڵی.

• دروستکردنی ناوەڕۆکی سەرنجڕاکێش (وێنە، ڤیدیۆ، دیزاین و نووسین).

• ڕۆژنامەنووسیی پرۆفیشناڵ لە بوارەکانی هەواڵسازی، پێشکەشکاری و بەرهەمهێنانی میدیایی.

• شیکردنەوەی داتا و بەکارهێنانی زیرەکیی دەستکرد بۆ سەرخستنی پلانی بازاڕگەری.

• فێربوونی گرافیک دیزاین، مۆشن گرافیک و مۆنتاژی ڤیدیۆیی.

شێوازی فێرکردنمان: تێکەڵەیەک لە زانست و پراکتیک

ئێمە تەنها زانیاریی تیۆری نابەخشین، بەڵکو ژینگەیەکی کرداریی تایبەت دەڕەخسێنین کە خوێندکار ڕاستەوخۆ بۆ بازاڕی کار ئامادە دەکات. ئەمەش لە ڕێگەی:

• ستۆدیۆی تایبەت و پڕ لە کەرەستەی پێشکەوتوو: بۆ جێبەجێکردنی پڕۆژەکان بە کوالێتیی بەرز.

• کارکردن لەسەر پڕۆژەی ڕاستەقینە: خوێندکاران کار لەسەر کەمپەینی بازاڕگەری بۆ براند و کۆمپانیاکان دەکەن.

• دروستکردنی پۆرتفۆلیۆی پیشەیی (Portfolio): بۆ ئەوەی کارەکانیان ببێتە ناسنامەیان لە کاتی دۆزینەوەی کاردا.

• وۆرکشۆپ و سیمیناری تایبەتمەند: بە میوانداریی پسپۆڕانی بوارەکە بۆ ئاشنابوون بە نوێترین گۆڕانکارییەکان.

ئامانجمان ئەوەیە دەرچووانمان نەک تەنها خاوەنی بڕوانامەی دیبلۆمی تەکنیکی بن، بەڵکو ببنە پسپۆڕی لێهاتوو و خاوەن پۆرتفۆلیۆی دەوڵەمەند، کە بتوانن ڕاستەوخۆ لەگەڵ براند و کۆمپانیا ناوخۆیی و جیهانییەکان کار بکەن.