هەلی دامەزراندنی 45 هەزار كەس لە هەرێم ڕاگەیەنرا
كۆمسیۆنی باڵای سەربەخۆی هەڵبژاردنەكانی عێراق هەلی دامەزراندنی 45 هەزار كەسی بۆ سەر سندوقەكانی دەنگدان ڕاگەیاند و لینكی پڕكردنەوەی فۆڕمی ئەلیكترۆنی كاراكرد.
کۆمسیۆنی باڵای سەربەخۆی هەڵبژاردنەکانی عێراق لە ڕاگەیەنراوێكدا ئاماژەی بەوەكردووە، پێویستمان بە 45 هەزار کارمەندە بۆ هەڵبژاردنی پەرلەمانی کوردستان.
ڕاشیگەیاندووە، هاووڵاتییانی هەرێمی کوردستان دەتوانن لەڕێگەی لینكی (pcemp.ihec.iq) داواکاری بۆ دامەزراندن پێشکەش بکەن.
جەختیشی كردۆتەوە، هاووڵاتییانی هەرێمی کوردستان دەتوانن لەڕێگەی ماڵپەری کۆمسیۆنی هەڵبژاردنەکانی عێراقەوە داواکاری بۆ دامەزراندن پێشکەش بکەن و دامەزراندنەكە، فەرمانبەران و دەرچووانی دانەمەزراوی زانكۆ و پەیمانگاكانیش دەگرێتەوە.